ქვეშეთი-კობის გზის სამშენებლო სამუშაოები აქტიურად მიმდინარეობს

ამ დროისთვის  საავტომობილო გზის ორივე მონაკვეთზე სამუშაოები აქტიურ რეჟიმში მიმდინარეობს.

გზის პირველ ლოტზე, რომელიც წკერე-კობის მონაკვეთს მოიცავს, სპეციალურად პროექტისთვის დამზადებული გვირაბგამყვანი დანადგარით TBM-ით მთავარი გვირაბის 3662 მეტრია გაბურღული. დანადგარი, ბურღვის პარალელურად, მოპირკეთების სამუშაოებსაც ახორციელებს. მთავარი გვირაბის პარალელურად, შენდება საევაკუაციო გვირაბი, რომლის 3371 მეტრია გაბურღული.

სამშენებლო სამუშაოების დასრულების ვადა 2024 წლის ოქტომბერია.

ლოტი 2-ის ფარგლებში (ქვეშეთი-წკერეს 12.7 კილომეტრიან მონაკვეთზე) I ხიდზე ორივე მხრიდან მიმდინარეობს სამუშაოები, ერთი მხრიდან გაბურღულია 55 მ ხოლო მეორე მხრიდან 350 მ. II ხიდზე მინდინარეობს ხიმინჯების მოწყობის, ფუნდამენტების და ბურჯების ბეტონირების სამუშაოები, ასევე მიმდინარეობს III გვირაბის პორტალის მოწყობის სამუშაოები.

აღნიშნულ ლოტზე სამუშაოების დასრულების ვადად 2023 წლის ოქტომბერი არის დადგენილი.