ილიაუნის სამოქალაქო ინჟინერიის და არქიტექტურის სპეციალობის სტუდენტებმა პროექტის განხორციელების ადგილი და ყველაზე დიდი 9კმ-იანი გვირაბის მშენებლობა მოინახულეს.

 შეგახსენებთ, გვირაბის გაყვანა თანამედროვე გვირაბმთხრელი დანადგარით თიბიემით ხორციელდება, რომელიც ერთდროულად თხრის, შლის ქანებს, გამოაქვს გარეთ და ასევე გვირაბის ფილებით მოპირკეთებასაც ახორციელებს.

სტუდენტები 4 კმ სიღრმეზე თავად დააკვირდნენ თიბიემის მუშაობის პროცესს. გვირაბში სტუმრობის შემდეგ ისინი გაეცნენ პროექტის შესახებ დეტალურ პრეზენტაციას და მიიღეს პასუხები კითხვებზე.

პროექტის დასრულება 2024 წლისთვის იგეგმება.