კატეგორია: Uncategorized @ge

ქვეშეთი-კობის საავტომობილო გზისა და გვირაბის მშენებლობის ფარგლებში, ქვეშეთის საჯარო სკოლაში საგზაო უსაფრთხოების ცნობიერების ამაღლების კამპანია ჩატარდა. ქვეშეთი-კობის გზის პროექტი აზიის განვითარებისა (ADB) და ევროპის რეკონსტრუქციისა და განვითარების ბანკებითან (EBRD) გაფორმებული სასესხო ხელშეკრულების ფარგლებში ხორციელდება,  უკვე დასრულებულია 9 კმ. სიგრძისა და 15 მ დიამეტრის გვირაბის გაჭრა, ასევე, დასრულებულია 9 კმ-იანი საევაკუაციო გვირაბის მშენებლობა, მისასვლელი გზისა და დარჩენილი ხელოვნური ნაგებობების მშენებლობა კი აქტიურად გრძელდება.

ქვეშეთისა და გუდაურის საჯარო სკოლებში ჩატარებული საგზაო უსაფრთხოების ცნობიერების ამაღლების კამპანია ორ სამიზნე ჯგუფს მოიცავდა, კერძოდ,  I-V კლასისა და VI-XII კლასის ჩათვლით მოსწავლეებს.

კამპანიის ფარგლებში საავტომობილო გზების დეპარტამენტის წარმომადგენლების მხრიდან მოსწავლეებს ინფორმაცია მიეწოდათ საგზაო უსაფრთხოების იმ  მოთხოვნებზე, რომლებიც დაცული უნდა იყოს ქვეითების მიერ, ეს იქნება ზებრაზე გადასვლა, ველოსიპედით მოძრაობა, ღამის საათებში გადაადგილება თუ სხვა…

ამასთან მნიშვნელოვანია, რომ დეპარტამენტი ცნობიერების ამაღლების კამპანიას ატარებს არა მხოლოდ ერთი პროექტის, არამედ მსგავსი ტიპის ღონისძიებები გათვალისწინებულია არაერთი სხვა მაგისტრალური გზის მშენებლობის პროექტის ფარგლებში. მხოლოდ მიმდინარე წელს, ხარაგაულისა და ზესტაფონის მუნიციპალიტეტებში დაახლოებით 3400 ბენეფიციარისთვის ჩატარდა საგზაო უსაფრთხოების ცნობიერების ამაღლების კამპანია, მათ შორის 800 სკოლის მოსწავლე იყო.

საგზაო უსაფრთხოების ცნობიერების ამაღლების კამპანია მიზნად ისახავს საზოგადოების სხავადასხვა ჯგუფის ცნობიერების ამაღლებას და მათ ჩართულობას საგზაო მოძრაობის უსაფრთხოების გაუმჯობესების სფეროში. მსგავის სახის სოციალური პროექტები დეპარტამენტის საქმიანობაში ძალიან მნიშვნელოვანია და მომავლშიც გაგრძელდება.

 

2024 წლის 17 სექტემბერს, გაეროს სურსათისა და სოფლის მეურნეობის ორგანიზაციაში (შემდგომში – „ფაო“) დასაქმებული ტრენერების დახმარებით, დუშეთის მუნიციპალიტეტის სოფლებში (ქვეშეთი, არახვეთი, ბედონი, ჯაღმიანი და ბენიან-ბეგონი) არსებულ ფერმერებს (ჯამში 49 ფერმერს), რომლებიც მესაქონლეობით არიან დაკავებულები, გადაეცათ ყველის ამოსაყვანი ფხვნილი, საქონლის საკვების მინერალური დანამატები და ხბოების საკვები აღჭურვილობა.

 

იმავე დღეს ფაო-ს აგრონომმა მოინახულა ორი ნაკვეთი, რომელზეც კარტოფილი იყო დათესილი და აიღეს პირველი სატესტო მოსავალი. დგილზე ადაპტაციის უნარისა და ეფექტურობის გამოვლენის მიზნით თითოეულ ნაკვეთზე დაითესა 6 სახის კარტოფილი.

 

2024 წლის 18-19 სექტემბერს “ფაო”-ს წარმომადგენლებმა ჩაატარეს ფერმერთა გამოკითხვა ოთხ ლოკაციაზე – ჯაღმიანი, ბენიან-ბეგონი, ბედონი, ქვეშეთი. გამოკითხვის მიზანი იყო ტრენინგების შედეგად მიღებული ცოდნის გამოვლენა, განხორციელებული აქტივობების კმაყოფილების შეფასება და სამომავლოდ გასაუმჯობესებელი სფეროების იდენტიფიცირება.

2024 წლის 7 აგვისტოს, გაეროს სურსათისა და სოფლის მეურნეობის ორგანიზაციაში (შემდგომში – „ფაო“) დასაქმებული ტრენერების დახმარებით, დუშეთის მუნიციპალიტეტის სოფელ ჯაღმიანში ფერმერთა ჯგუფთან ჩაატარა ტრენინგი გრილზე შესაწვავი ყველის წარმოებასთან დაკავშირებით. ტრენინგი მოიცავდა, როგორც თეორიულ, ასევე პრაქტიკულ კურსს. ტრენინგის მონაწილეებმმა სპეციალისტის დახმარებით, ახალი ტექნოლოგიით, ამოიყვანეს ყველი,  რომელიც დასრულდა მისი დაგემოვნებით. ამ სახის ყველის წარმოების უპირატესობა არის მისი სწრაფად და უსაფრთხოდ (მაღალ ტემპერატურაზე ხდება მისი დამუშავება) მომზადება, ასევე ტრადიციულ ყველთან შედარებით გაცილებით მაღალი ფასი აქვს. ტრენინგს დაესწრო 7 მონაწილე (ქალბატონი), სოფლებიდან: ჯაღმიანი, სეთურები და შარმიანი.

 

2024 წლის 5 ივლისს, გაეროს სურსათისა და სოფლის მეურნეობის ორგანიზაციაში (შემდგომში – „ფაო“) დასაქმებული ტრენერების დახმარებით, დუშეთის მუნიციპალიტეტის სოფელ ბენიან-ბეგონში, ერთ-ერთი ტრენინგ-მონაწილის სახლში, ჩატარდა ტრენინგი კარტოფილის წარმოებასთან დაკავშირებით. ტრენინგს დაესწრო 6 ადამიანი (5 ქალბატონი და ერთი მამაკაცი). ტრენინგზე განხილული იყო ისეთი თემები, როგორიცაა მიწისა და სათესლე მასალის მომზადება კარტოფილის დათესვამდე, თესვა, მცენარის კვება, დაავადებების იდენტიფიცირება და მისი პრევენცია.

 

იმავე დღეს, ფაო-მ იმავე ფერმერთა ჯგუფთან ჩაატარა ტრენინგი გრილზე შესაწვავი ყველის წარმოებასთან დაკავშირებით. ტრენინგი მოიცავდა, როგორც თეორიულ, ასევე პრაქტიკულ კურსს. ტრენინგის მონაწილეებმა სპეციალისტის დახმარებით ამოიყვანეს ყველი და დააგემოვნეს. მათ საჩუქრად გადაეცათ ყველის წარმოებისათვის განკუთვნილი აღჭურვილობა. მონაწილეებმა მადლობა გადაუხადეს ფაოს და აღნიშნეს, რომ სოფლის მეურნეობის მიმართულებებში, როგორიცაა კარტოფილის წარმოება, მესაქონლეობა და ყველის წარმოება, მათი ცოდნა საგრძნობლად გაუმჯობესდა.

 

2024 წლის 5 ივნისს, გაეროს სურსათისა და სოფლის მეურნეობის ორგანიზაციაში (შემდგომში – „ფაო“) დასაქმებული ტრენერების დახმარებით, დუშეთის მუნიციპალიტეტის სოფელ სეთურებსა და წკერეში, ადგილობრივი მოსახლეების 400-400 კვ.მ მიწის ნაკვეთებზე დაითესა 6 სახეობის კარტოფილი.

 

აღნიშნული აქტივობის ჩატარების მიზანი იყო, როგორც მცენარის თესლის სათანადო ტიპის შერჩევა და ეფექტურობის განსაზღვრა, ასევე სათანადო მოვლის მნიშვნელობა მცენარის ზრდის პროცესში. ფაოს ტრენერებს, მცენარეების ზრდის მთელი ციკლის პროცესში, დაგეგმილი აქვთ რეგულარული ვიზიტები სეთურებსა და წკერეში კონსულტაციისა და სასუქების მიწოდების მიზნით.

 

2024 წლის 24 და 25 აპრილს ჩატარდა ტრენინგები სოფლის მეურნეობის მიმართულებით. 24 აპრილს გაეროს სურსათისა და სოფლის მეურნეობის ორგანიზაციამ, დუშეთის მუნიციპალიტეტის სოფელ ჯაღმიანში ჩაატარა ტრენინგი კარტოფილის წარმოებასთან დაკავშირებით. ტრენინგს დაესწრო 6 ფერმერი – 3 ქალი და 3 კაცი.

 

 

2024 წლის, 24 და 25 აპრილს, დუშეთის მუნიციპალიტეტის სოფელ ქვეშეთსა და ბედონში, გაეროს სურსათისა და სოფლის მეურნეობის ორგანიზაციამ ჩაატარა ტრენინგი გრილზე შესაწვავი ყველის წარმოებასთან დაკავშირებით. უპირატესობა, ხსენებული სახეობის ყველისა არის ის, რომ მისი წარმოება არის სწრაფი, უსაფრთხო (მაღალ ტემპერატურაზე ხდება დამუშავება), და ტრადიციულ ყველთან შედარებით გაცილებით მაღალი ფასი აქვს. მონაწილეებმა მოიტანეს რძე და ადგილზე მოხდა ყველის ამოყვანა. სოფელ ქვეშეთში შეხვედრას დაესწრო 6 ქალი, ხოლო ბედონში 8 ქალბატონი.

 

ქვეშეთი-კობის გზის მშენებლობის პროექტის ფარგლებში, სოფელ ქვეშეთის სოფელ კობთან დამაკავშირებელი 9 კმ-იანი გვირაბის გაჭრა დასრულდა.

 

გარემოზე ნაკლები ზიანის მისაყენებლად და მდგრადი გარემოს უზრუნველოყოფის შესანარჩუნებლად სპეციალურად კობი-ქვეშეთის გვირავისთვის დამზადდა გვირაბის საბურღი TMB (Tunnel Boring Machine). 9 კმ-იან გვირაბში მალე დაიწყება საბოლოო სამუშაოები, რომელიც მოიცავს მოსახვას, ელექტრო და საინჟინრო სისტემების მონტაჟსა და გზის საფარის მოწყობას.

 

აღსანიშნავია, რო  ახალი, 9 კმ სიგრძისა და 15 მ დიამეტრის გვირაბი საქართველოში ყველაზე გრძელი, ხოლო მსოფლიოს მასშტაბით, თავისი მახასიათებლებით, ერთ-ერთი უნიკალური იქნება. რაც შეეხება ზოგადად ქვეშეთი-კობის პროექტს, ჯამში შენდება 23 კმ-იანი 2 ზოლიანია ასფალტ-ბეტონის გზა, რომელიც მოიცავს 5 ხიდისა და 5 გვირაბის მშენებლობას და 1 ხიდის რეაბილიტაციას. აღნიშნული მონაკვეთი უზრუნველყოფილი იქნება განათების სისტემით.

 

საქართველოს, როგორც ტურისტული ჰაბის, განსავითარებლად ქვეშეთი-კობის პროექტი ითვალისწინებს გუდაურამდე მისასვლელ 5კმ-იანი ახალი გზის მშენებლობას. ახალი გზა უზრუნველყოფილი იქნება უსაფრთხოების ყველა საჭირო სტანდარტით, შემციდრება გადაადგილების დროც. შესაბამისად, გუდაურის კურორტი მზად იქნება მეტი ვიზიტორის მისაღებად.

 

ქვეშეთი-კობის პროექტი იქონიებს დიდ სოციალურ ეფექტს იმ ათი სოფლისთვის, რომელთა მოსახლეობა რამდენიმე თვის განმავლობაში საგზაო კავშირის გარეშე რჩებოდა და არ ჰქონდა წვდომა სამედიცინო, საგანმანათლებლო თუ საყოფაცხოვრებო მომსახურებებზე. ამჟამად ქვეშეთიდან კობამდე მგზავრობას 1 სთ-ი სჭირდება, ზვავსაშიშროების გამო კი, ხშირად მოძრაობა იკრძალება კიდეც, პროექტის დასრულების შემდეგ, მონაკვეთის გავლას მხოლოდ 15 წთ-ი დასჭირდება. ამას გარდა, ახალი გზა გადაჭრის ზამთრის პერიოდში სატრანზიტო მოძრაობის ხშირი შეზღუდვების პრობლემასაც.

 

ქვეშეთი-კობის 23 კმ-იანი გზის მშენებლობა, ეტაპობრივად, 2024-2025 წლებში დასრულდება. პროექტი აზიის განვითარების ბანკის (ADB) ფინანსური მხარდაჭერით და გვირაბის მშენებლობის ნაწილში – ევროპის რეკონსტრუქციისა და განვითარების ბანკის (EBRD) თანადაფინანსებით ხორციელდება, მისი საერთო ღირებულება კი 1.2 მილიარდი ლარია.

 

2024 წლის 18 აპრილს, გაეროს სურსათისა და სოფლის მეურნეობის ორგანიზაციამ (შემდგომში – „ფაო“), დუშეთის მუნიციპალიტეტში მცხოვრებ ტრენინგის მონაწილეებს საჩუქრად გადასცა 3 ერთეული მოტობლოკი სოფლების მიხედვით:

• ერთი მოტობლოკი – ბედონი, არახვეთი, ქვეშეთის ფერმერებს
• ერთი მოტობლოკი – ბენიან-ბეგონი, მუღურე, წკერეს ფემერებს
• ერთი მოტობლოკი – სეთურები, ჯაღმიანი, კაიშაურნი, ზაქათკარის ფერმერებს

 

 

ყველა მოტობლოკისთვის გამოყოფილია ერთი პასუხისმგებელი პირი. მოტობლოკებს  მიწის დასამუშავებლად გამოიყენებენ ის ფერმერები, რომლებიც აქტიურ მონაწილეობას იღებდნენ „ფაოს“ მიერ ორგანიზებულ ტრენინგებში.

 

2024 წლის 29 მარტს, გაეროს სურსათისა და სოფლის მეურნეობის ორგანიზაციის (შემდგომში – „FAO) აგრონომმა მიხეილ თაქთაქიშვილმა დუშეთის მუნიციპალიტეტის ქვეშეთის ადმინისტრაციული ერთეულის შენობაში ჩაატარა ტრენინგი მეკარტოფილეობაში, რომელიც წამყვანი ადგილობროვო დარგია მებოსტნეობაში.

აგრონომმა ისაუბრა სხვადასხვა თემის შესახებ, როგორიცაა ნიადაგის მომზადება, სათესლე მასალის შერჩევა/მომზადება, დათესვა, მცენარეთა კვება, დაავადებები და მათთან ბრძოლისა და პრევენციის საშუალებები.

ტრენინგის მონაწილეებმა გამოხატეს კმაყოფილება ჩატარებული ტრენინგის მიმართ, დაისვა კითხვები. ტრეინინგს დაესწრო 8 მცირე ფერმერი (7 ქალი, 1 კაცი) ქვეშეთიდან და ბედონიდან.

გაეროს სურსათისა და სოფლის მეურნეობის ორგანიზაციის (შემდგომში – „ფაო“) ეგიდით, 2024 წლის 13 და 14 თებერვალს გაიმართა ტრენინგები ვეტერინარიისა და აგრონომიის მიმართულებებით.

13 თებერვალს ფაო-ს ტრენერმა ანუკი ნაცვლიშვილმა ვეტერინარიის მიმართულებით 15 შერჩეულ ტრენინგ-მონაწილეს დაურიგა საკვები დანამატი – თითოეულს 125-125კგ, რომელიც წარმოადგენს ერთი თვის მარაგს ერთი მეწველი ძროხისთვის, ასევე გაიცა ინსტრუქცია საკვები დანამატების გამოყენებასთან დაკავშირებით. საკვები დანამატები გადაეცა ტრეინინგის იმ მონაწილეებს, ვინც ტრენინგის პროცესში აქტიურად იყო ჩართული და წარმოადგინა საკუთარი რძის ნიმუშები, იმისათვის, რომ ტრენერს შეემოწმებინა მათი შემადგენლობა; ტრენერის მოთხოვნით, საკვები დანამატი გადაეცემოდათ იმ მონაწილეებს, ვისაც მინიმუმ ორი მეწველი ძროხა ეყოლებოდა, რათა შესაძლებელი გამხდარიყო მათი წველადობის შედარება დანამატის გამოყენების შემდგომ (ერთ ძროხას გამოკვებავს ჩვეულებრივი საკვებით და ერთს ტრენერის მიერ გადაცენული საკვები დანამატის მეშვეობით); საკვები დანამატები გაიცა ასევე ლოკაციების გათვალისწინებით:

1) ქვეშეთი, არახვეთი, ბედონი;

2) ხადის ხეობა;

3) სეთურები, ჯაღმიანი, კაიშაურნი, ზაქათკარი.

საკვები პროდუქტების გამოყენების შემდგომ, დაახლოებით ერთ თვეში, ტრენერი ჩაატარებს მონიტორინგს, თუ რამდენად გაუმჯობესდა წველადობა და რძის ხარისხი ახალი მიდგომების შედეგად.

14 თებერვალს შეიქმნა ახალი ტრენინგ-ჯგუფი ბედონის მოსახლეობისათვის, რომელთაც ფაო-ს აგრონომიის ტრენერმა, მიხეილ თაქთაქიშვილმა, ჩაუტარა ტრეინინგი აგრონომიაში, თემა – მებოსტნეობა და ჩითილების სწორად გამოყვანა. მონაწილეებს დაურიგდა ჩითილების გამოსაყვანი კასეტები და სასუქები. ტრეინინგს დაესწრო 7 ადამიანი (6 ქალი და 1 კაცი).

ტრენინგების ეფექტურობამ გამოიწვია დაინტერესება ადგილობრივ მოსახლეობაში, შესაბამისად გაზაფხულიდან დაგეგმილია ახალი სესიები ყველის წარმოების მიმართულებით.